Zainab Lipat Kay Royeen, Abbas Kay Alam Say

Zainab Lipat Kay Royeen, Abbas Kay Alam Say

Sayedanian Thin Muztar, Chehray Thay Zard Gham Say

Liptee Hoee Alam Say, Kehthee Thi Bint-e-Zehra
Is Waqt-e-Bekasi Mein, Abbas Bichray Hum Say

Bachi Nay Maa Say Poocha, Kyun Itna Ro Rahee Ho
Amoo Nahi Milain Gai, Kya Phir Na Aakay Humsay

Baba Chacha Kahan Hain, Laey Ho Kyun Alam Ko
Yeh Poochthi Thi Bachi, Liptee Shah-e-Umam Say

Abbas Mar Gaey Hain, Sun Kar Khabar Yeh Sheh Ki
Tasweer-e-Yas-o-Hasrath, Har Bibi Ki Alam Say

Ulfath Ki Aur Wafa Ki, Zinda Misaal Ban Ker
Mashk-e-Sakina Ab Bhi, Hay Munsalik Alam Say

Bhai Say Bhai Bichray, Jis Ka Tha Us Ki Halath
Dard Aashna Say Poocho, Ya Phir Anis-e-Gham Say

3,366 Views
Zainab Lipat Kay Royeen, Abbas Kay Alam Say

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot