Zainab ko maa ka farman, pardais main rulaye

Piyasay ko kesay pani, piyasi behan pilaye

1- Baba to karbala main, us kay shaheed ho gaye
bazu kata kay chacha darya pay wo bhi sogaye
ab kon jo Sakina, ko shimr say bachaye

2- Dhonda bohat hay shah nay, sehra main Ibn e Shabbar
Qasim ko jab sameta bolay Hussain ro kar
ye laash lay kay khaimay, Shabbir kesay jaye

3- Yarab kisi ki baiti, na aisie ho satayeii
na samnay behn Kay, ho qatl koi bhai
piyasi qabar na koi, pardais main banaye

4- Ahmad ki betion Kay, balway main sar khulay hain

Sar ko jhukaye Abid khamosh chal rahay hain

Sajjad ki aseeri, kainaa’t ko rulaye

5- Pursay ki ais jahan main, her rasam hai batati

Marta hai jab bhi koi duniya Hasan hai jaati

Laikin Ghareeb Zahra, khud pursa lainay aye