Haye Akbar
kaise bhoole tujhe bhala umme laila akbar
koi dunya may hai kahan tere jaisa akbar
kaise bhoole tujhe…

mujhko hai ye khabar kya haal hai tera
tu laal hai mera
maa hoo mai mujhse na chupa
zakhm apna akbar
kaise bhoole tujhe…

girte thay baarha uthte thay baarha
dikhta hi kuch na tha
sheh ne haathon se dayr tak
ran may dhoonda akbar
kaise bhoole tujhe…

laila ki maamta zainab ki hasratay
sughra ki mannatay
qatl kitno ko kar gaya
ek naiza akbar
kaise bhoole tujhe…

kya din hai raat kya kya dard kya dawa
kuch yaad kab raha
yaad sughra ko reh gaya
tera chehra akbar
kaise bhoole tujhe…

maa baap ki tarha behno ko bhi teri
armaan reh gaya
tere khoon se hi bangaya
tera sehra akbar
kaise bhoole tujhe…

uth dekh bekasi mushkil hai ye ghadi
jaageer se teri
berida ja rahi hai maa shaam-o-koofa akbar
kaise bhoole tujhe…

kehti rahi ye maa uthkar salaam kar
aayi hai laash par
jisne athara saal hai
tujhko paala akbar
kaise bhoole tujhe…

laasha tadap gaya akbar ye marsiya
maa ke labon pe tha
tere jaane se lutgayi
maa ki dunya akbar
kaise bhoole tujhe…