Taboot utha saqi-e-kosar ka jo ghar say

Burqay bhi giray hoon gay, rootay howay zainub aur, kulsoom kay sar say

-Zainub nay kaha ro kar baba main kidhar jawoon

Bin baap kay jeenay say acha hai kay mar jawoon

Meray tu kalejay par, chalte hay churee bhai, zarbat ke khabar say

-Kiss jurm main baba ko, ummat nay hai mara

Sadmay say hoee bay kal, zainub nay pukara

Ub kaun humara hay, rootee hoee kehte thi, Shabbir O Shabar say

-Baqiya say chale tanha, Haye koofay main pohnche

Bachon kay dilasay ko maan aye hay roote

Aik Haat bhi zehara kay pehloo pay rakha ho ga, Thake ho ge safar say

-Haider kay janazay ko hasnain uthatay hain

Abbas bhi rotay hain aur sath main aatay hain

Hay akhre rukhsat yeh haider kay yateemon ke ab apnay pedar say

-Yeh Zulm musalmaan nay saadat pay hay dhaya

Haider ka saroon par say haye saya Uthaya

Matam keya nabiyon nay, afsorda malayak hain, pur sooz khabar say