Sughra Ko Rulata Hai, Ye Chaand Muharram Ka

Jab Samnay Aata Hai, Ye Chaand Muharram Ka

1) Hum Surat e Zahra Se, Bhai Ke Bicharnay Ki.

Khatoon e Qayamat Kay, Ghar Bar Ujar Ne Ki

Rudaad Sunata Hai, Ye Chaand Muharram Ka

2) Kata Hai Gala Logon, Sehroz Ke Pyaase Ka.

Pamaal Hua Laasha, Ahmad Ke Nawasay Ka

Har Ik Ko Batataa Hai. Ye Chaand Muharram Ka

3) Tasweer Dikhata Hai, Ahmad Ki Jawani Ki.

Har Shaks Ko Duniya Mai, Karbal ki kahani Ki

Tafseer Batataa Hai, Ye Chaand Muharram Ka

4) Karbal Ki Ziyaarat Ko, Jo Aankh Tarapti Thi.

Shabbir Teray Ghum Mai, Jo Aankh Barasti Thi

Us Aankh Ko Bhaata Hai, Ye Chaand Muharram Ka

5) Imran Ko Shabbar Ko, Khatoon e Qayamat Ko.

Haidar Ki Kasam Mazhar, Sarkar e Risalat Ko

Turbat Mai Rulata Hai, Ye Chaand Muharram Ka