SHAMMA SY SHAMMA JALE

SHAMMA SE SHAMMA JALE SILSILA JAARI RAHAY

HUM RAHAIN YA NA RAHAIN YEH AZADAARI RAHAY

APNI NASLON KO SIKHAATAY RAHO MAATAM KA HUNAR

SEENA DAR SEENA KARAY BAS YEH AZADAARI SAFAR

JAISE HAALAAT BHI HO YEH AMAL JAARI RAHAY

HUM RAHAIN YA NA RAHAIN YEH AZADAARI RAHAY

LAAKH BADLE YEH ZAMAANE KI RAVISH AUR MAUSAM

EK PAL BHI NA RUKAY ASHQ E AZA AUR MATAM

MATAM E SHEH KA JUNOO(N) ZEHN PAR TAARI RAHAY

HUM RAHAIN YA NA RAHAIN YEH AZADAARI RAHAY

TUM AGAR ZAAKIR E SHABBIR HO YEH YAAD RAHAY

CHAHAY ISS GHUM KY LIYE SAR BHI KATAY GHAR BHI JALAY

HURMAT E FARSH E AZA, JAAN SY PYARI RAHAY

HUM RAHAIN YA NA RAHAIN YEH AZADAARI RAHAY

YEH SABEELAIN YUHI AABAD RAHAIN EHLE AZA

AUR GHAR GHAR PY NAZAR AAYE ALAM GHAAZI KA

YEH ALAM UNCHA RAHAY YEH ALAMDAARI RAHAY

HUM RAHAIN YA NA RAHAIN YEH AZADAARI RAHAY

DUNIYA WAALON KI NA PARVAAH NA KUCH BAAT KARO

MANNATI BAIDIYAN SAJJAD KY GHUM MAI PEHNO

RAUNAQE FARSH E AZA GIRIYA O ZAARI RAHAY

HUM RAHAIN YA NA RAHAIN YEH AZADAARI RAHAY

MAAO BEHNO KO HAI PAIGHAM MERA SIRF YAHI

APNE BACHON KO JULOOSON SY NAHI ROKO KABHI

YEH SHAHADAT HAI SHARAF YEH SHARAF JAARI RAHAY

HUM RAHAIN YA NA RAHAIN YEH AZADAARI RAHAY

APNE GHAR MAI BHI AZAA KHANA SAJAANA HAI MUJHE

APNE BACHON KO AZADAAR BANAANA HAI MUJHE

TAA KY IS NASL MAI BHI, TAAZIA DAARI RAHAY

HUM RAHAIN YA NA RAHAIN YEH AZADAARI RAHAY

MAJLIS E SHAH KI ZINDA(N) MAI JO BUNIYAAD RAKHI

ASL MAI BIBI O SAJJAD KI KHWAAHISH THI YAHI

YEH AZADAAR RAHAIN YEH AZADAARI RAHAY

HUM RAHAIN YA NA RAHAIN YEH AZADAARI RAHAY

MAJLIS O MATAM E SHABBIR KI TABLEEGH KARO

BAAT YEH MAZHAR O IRFAN ZAMAANE SE KAHO

MUNKIR E BIBI SY HAR HAAL MAI BEZAARI RAHAY

HUM RAHAIN YA NA RAHAIN YEH AZADAARI RAHAY