Shaam Ki Aurto Aik Wada Karo
Shaam Ki Aurto Aik Wada Karo Roz Qabr-e-Sakina Pay Aaogi Tum

Jub Thalak Lout Ker Main Na Aaoun Aakay Shama Jalaogi Tum

Aik Yasrab Ki Thi Shehzadi Us Ka Saaqa Tha Abbas-e-Ghazi
Mashk Lay Ker Gaya Soo-e-Dariya Ore Kabzay Mei Ker Li Taraee
Lorion Mei Ye Sachi Kahani Roz Is Ko Sunaogi Tum

Hum Nay Zindan Say Paee Rehaee Ub Behen Paas Hogi Na Bhai
Baat Itni Si Bus Yaad Rakhna Meri Bachi Hai Gham Ki Sataee
Tum Nay Bazaar Mei Tho Sataya Ub Na Is Ko Sataogi Tum

Jub Kabhi Qaid Khanay Mei Aana Bayrida Bibion Ko Na Laana
Tum Ko Asghar Bhi Dayga Dua’eyn Is Ki Tanhaiaan Youn Mitana
Chotay Chotay Say Bachon Ko Laa Ker Paas Is Kay Sulaogi Tum

Qabr-e-Baykas Pay Ansou Bahanay Haal Qaid-e-Sitam Ka Sunanay
Qafila Kerbala Ko Chala Hai Is Kay Baba Ka Chehlum Mananay
Itna Kehdo Humari Taraf Say Is Ka Chehlum Manaogi Tum

Mei Sikhati Hoon Gham Ka Saliqa Kaisay Behlaogi Dil Dhuki Ka
Jub Bhi Ronay Ki Avaaz Aaaey Naam Layna Tum Ibn-e-Ali Ka
Baba Aatahy Hain Athay Hain Bibi Bus Yehi Kehti Jaogi Tum

Shaamion Ki Bahu Betion Say Keh Rahi Theen Wo Akbar Ye Ro Kay
Ye Amanat Hai Pardesion Ki Ker Rahi Hoon Tumhare Havalay
Mujhsay Ik Baar Bus Itna Kehdo Apna Waada Nibhaogi Tum

234 Views
Shaam Ki Aurto Aik Wada Karo

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot