Sakina bibi kay bain irfan haram mein mehshar utha rahay hein

Bapa hai randon mein shor e matam Husain marnay ko jaa rahay hein

Kahein pay ghash mein paray hein sajjad kahein pay Baqar tarap raha hai

Who chand bachay sisak rahay hein who chand aanso baha rahay hein

Kahan ho Abbas o Aun o Akbar kahan ho Qasim Hasan kay dilbar

Sawari lao rakab thamo Imam tum ko bula rahay hein

Bari qayamat ka hai yeh manzar janab e Fizza ka imtihan hai

Behan say chup kar Husain baykas libaas e kuhna manga rahay hein

Samom say ghoray kay ek bachi lipat gai bayqarar hoo kay

Bana kay banhoon ko apni jhula Husain usko sula rahay hein

Who Hashr utha who taigh chamki who teer barsay who aaye patthar

Husain pushta e farsh pay baithay lahoo mein apnay naha rahay hein

Who aai sham e ghariban run mein who hashr utha bala kay ban mein

Haram kay burkay utar rahay hein laeen khaimay jala rahay hein