Sajjad Mein Zainab Hoon Mayray Sar Pay Rida Koi Nahi Bazar-e-Jafa

Majma Hai Kofiyoon Ka Mayray Chalnay Ki Jaa Koi Nahi Bazar-e-Jafa

Sajjad Mayray Sar Say Aada Nay Chin’ni Chadar,
Balway Mein Nabi Zadi Phirwai Gai Dar Dar,
Mil Jaaye Rida Mujh Ko Aur Mayri Dua Koi Nahi Bazaar-e-Jafa

Sajjad Chaloun Kaisay Lakhoon Hain Tamashayi
Yaad Aata Hay Rah Rah Kay Abbas Mera Bhai,
Faryad Karoon Kis Say Ab Teray Siwa Koi Nahi Bazaar-e-Jafa

Sajjad Mayray Dil Ko Yey Dard Sata’ta Hay,
Sar Ghazi Ka Naizay Say Jab Khak Pe Aata Hay,
Sar Mayra Khula Daykhay Gham Is Say Bardha Koi Nahi Bazaar-e-Jafa

Maloom Hai Aada Ko Ghazi Ki Bahan Hoon Mein,
Bay-Dast Hay Woh Ghazi Paband-e-rasan Hoon Mein,
Yaad Aayi Wafa Us Ki Jab Paas Raha Koi Nahi Bazaar-e-Jafa

Majboor Hoon Bay-Bas Hoon Mein Ro Bhi Nahin Sakti,
Dur’roon Ki Aziyat Say Mein So Bhi Nahin Sakti,
Is Darja Musibat Mein Hamdard Mayra Koi Nahi Bazaar-e-Jafa

Sajjad Tayri Halat Dekhi Nahin Jati Hai,
Bay Parda Mujhay Daykhay Yey Baat Rulati Hay,
Sajjad Tayri Tarhaan Kantoon Pe Chala Koi Nahi Bazaar-e-Jafa

Maut Aaye Gi Zindaan Mein Mayri Bali Sakina Ko,
Kya Jaa Kay Bataoungi Bimar-e-madina Ko,
Gham Dil Pe Uthanay Ko Ab Baqi Bacha Koi Nahi Bazaar-e-Jafa

Jaata Hay Suye Zindaan Ab Kunba Muhammad Ka,
Rassi Mein Bandhay Qaidi Kantoon Say Bharra Rasta,
Ummat Nay Sitam Dhaaye Qismat Say Ghil’la Koi Nahi Bazaar-e-Jafa

Bazar-e-Sitam Mein Tha Zainab Ka Ajab Aa’lam,
Mazhar Mein Likhoon Kaisey Zalim Nay Kaha Jis Dam,
Hai Kaun Tera Waris Zainab Nay Kaha Koi Nahi Bazaar-e-Jafa