Reh ga ey dasht-e-Musibat main sakina tanha

Lub pay rehta tha hazina kay musalsal noha

Dil phata jata hay jab say hay alam run main gira

Pani mangoon gi nahi aap say wada hay mera

Dil tarap jatay thay sun kay yeh sakina ki sada

Meray rukhsaroon pay ma ray hain tamanchay ammon

Iss tarha shimar nay bunday hain utaray ammon

Aab talak jari hay khoon kanoon say meray ba khuda

Har tamanchay pay hay ammon ko nida dey main nay

Kabhi qasim kabhi akber ko sada di main nay

Ab mujhay kaun bachay koi baqi na raha

Kab say rooti hoon main baba kay liyay milwa doo

Sir meray baba ka aik baar mujhay dilwa doo

Phir na roota mujhay pawoo gay Yay wada hay mera

Jis ghari aa ya tha zindan main shabbir ka sir

Moo pay moo rakh kay yay boli thi sakina ro kar

Neelgoo ho gayay rukhsar chini sir say rida

Tum nishan tak meray marqad ka mitana bhayya

Shimar poochay bhi tu uss ko na batana bhayya

Khuld ko jati hoon main hoti hoon tum sab say juda

Woo tu mar kay bhi reha ho na saki zindan say

Baap ki yaad main guzri hai sakina jaa say

Yeh hi noha tha sakina ka Ashhar waqt-e-qaza