Aye Baad-e-Saba Ja Ky Yeh Ammu Ko Batana Pyasi Hai Sakina
Iss Chotay Sy Sin Mein Yeh Sitam Mai Ny Uthaye
Allah Kissi Ko Na Yateem Aisa Banaye
Khud Apne Lahu Mein Koi Bachi Na Nahaye
Mai Tum Ko Bulati Rahi Tum Bhi Tu Na Aye
Mai Ban Gayi Baad-Asal Laeeno Ka Nishana
Pyasi Hai Sakina…
Pani Ki Talab Mujh Ko Khilati Rahi Thokar
Kehta Tha Laeen Doon Ga Mai Fojon Ko Pila Kar
Jab Shimr Laeen Kar Chuka Sairab Yeh Lashkar
Dikhla Ke Mujhe Phaink Diya Pani Zameen Par
Tab Samjhi Mai Kya Hota Hai Umeed Dilana
Pyasi Hai Sakina…
Ik Jaam Howa Sham-e-Ghareeban Mein Muyasar
Woh Koza Main Rakh Ayi Thi Asghar Ki Lahad Par
Tha Mujh Se Bhi Chota Mera Bhaiya Mera Dilbar
Sharminda Mai Ho Jati Chacha Piyas Bhuja Kar
Ab Apne Hi Hathon Se Meri Pyas Bhujana
Pyasi Hai Sakina…
Ik Rasi Mein Hum Sab Ke Galay Baandh Ky Aada
Kartay Hoi Tasheer Chale Janib-e-Kufa
Aur Uss Pe Musibat Ye Thi Qad Chota Tha Mera
Uthti Thi Jo Phuphiyaan Tou Gala Khichta Tha Mera
Gardan Ka Mere Zakhm Chacha Dekhne Aana
Pyasi Hai Sakina…
Jis Roz Se Asghar Ko Mila Baba Ka Seena
Uss Roz Se Ammu Nahi So Paayi Sakina
Iss Haal Mein Jaon Gi Mai Kis Tarha Madina
Aa Jaye Mujhe Maut Hai Kis Kaam Ka Jeena
Jaagi Hoon Bohat Aa Ke Chacha Mujhe Sulana
Pyasi Hai Sakina…
Ghar Laut Ke Jatay Hain Har Ik Shaam Parinday
Qismat Mein Likhe Hain Meri Zindaa’n Ke Andheray
Kab Tak Main Jiyon Gi Younhi Ashkon Ke Saharay
Lagta Hai Ky Mar Jaon Gi Ab Door Watan Se
Ho Ga Na Muyasar Mujhe Ghar Laut Ke Jana
Pyasi Hai Sakina…
Anwar Ye Sada Parcham-e-Abbas Se Ayi
Mai Bhool Nahi Sakta Sakina Meri Bachi
Katay Gaye Baaazu Meray Majboor Tha Bibi
Mashkeeza Alam Mein Hai Laga Dekh Le Ab Bhi
Parcham Ka Meray Kaam Hai Dunya Ko Batana
Pyasi Hai Sakina…
https://www.youtube.com/watch?v=aJ6vuLm8rdE
1,115 Views
