Maar dalo Ali key beyton ko aur kheymon ko bhi jalana hey
Sir e shabbir’ chadar e zainab Laashay Abbas per dikhana hey
- Kabhi bazoo uthaye ghazi key kabhi qasim ko dhoondnay nikla
Janay shabbir ya khuda janay kesey akbar ki laash per pohancha
Fajr sey asar tak raha logo shah ka maqtal mein aana jana hey. - Shah key laashay ko yun paamal karo, Aale ahmad pehchaan paaye na
Patharon sey hi dhaanp do laasha, hath zainab isey lagaye na
Bekafan dhoop mein para bhai, binte zahra ko bas dikhaana hey - Aik beemar reh gai tanha, roz jeeti hey roz marti hey
Bhai ki raah tak key roti hey,, Ja key rozay nabi pey kehti hey
Nana batlaao merey akbar ney kab madinay mein wapis aaana hey.
4.Ye dia mashwara la’eenon ney, faida ab uthaao moqay ka
Baad e Abbas kon ab hum ko chaadrein lootney sey rokay ga
Beykhata Maar key tamachay to ab sakina ko bhi darana hey..
1,429 Views
