Maa Kehti Thi Jalte Huey Jhulay Se | Mir Hasan Mir Noha Lyrics

Maa Kehti Thi Jalte Huey, Jhule Se Lipat Kar, Haye Haye Ali Asghar

Zalim Ne Tujhe Qabar Se, Iss Tarha Nikala
Seene Pe Laga Jis Gharhi, Beta Tere Naiza
Laashe Ko Tere Dekh Ke, Bola Sar e Akbar
Haye Haye Ali Asghar

Qatil Tera Mil Jaaye Toh, Khud Phoonch Loon Uss Se
Kya Jurm Tha Chey Maah Ke, Bache Ka Bata De
Uss Ne Toh Bulaya Nahi, Maa Bhi Mujhe Keh Kar
Haye Haye Ali Asghar

Ab Tak Meri Aankhon Se Woh, Manzar Nahi Jata
Gardan Se Teri Khoon, Tapakta Raha Beta
Rumaal Bhi Baandha Na, Gaya Tere Galey Par
Haye Haye Ali Asghar

Jis Teer Se Naaaqe Ko, Giraate Hain Zameen Par
Woh Teer Laga Nanne Se, Halqoom Pe Aa Kar
Tum Khoon Ugalte Rahe, Baba Se Lipat Kar
Haye Haye Ali Asghar

Tum Mar Gaye Yeh Baat Woh, Ab Tak Nahi Maani
Zid Karti Hai Bhai Ko, Pilaoongi Mein Paani
Kooza Liye Maqtal Mein, Kharhi Hai Teri Khawhar
Haye Haye Ali Asghar

Majboor Thi Ghar Mein Mere, Paani Hi Nahi Tha
Warna Toh Dhula Deti Mein, Yeh Khoo(n) Bhara Chehra
Dadi Se Shikayat Nahi, Karna Meri Jaa Kar
Haye Haye Ali Asghar

Mara Hai Sitmagar Ne, Sakina Ko Tamacha
Ghazi Ki Tarha Tum Se Bhi, Dekha Nahi Jaata
Band Aankhen Kiye Rotey Ho, Tum Noke Sina Par
Haye Haye Ali Asghar

Sar Iss Liye Naize Se, Gira Dete Ho Apna
Godhi Mein Meri Aana Hai, Shahyad Tumhe Beta
Lekin Hain Bandhe Haath, Utha Sakti Nahi Sar
Haye Haye Ali Asghar

Sajjad Woh Kehti Thi, Chala Bhi Nahi Jaata
Doh Chaar Qadam Baad Hi, Gir Jaati Hoon Beta
Meri Bhi Kamar Kham Hai, Teri Laash Utha Kar
Haye Haye Ali Asghar

880 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot