●Band ankhein hoi haider jo chalay dunya say
tha qayamat ka sama gham tha sab he chehro pay
Betian bap kay qadmo say jo lipteen ro kay
Bain zainab nay yeh baba kay janazay pay kiye
●Kon ab sir pay mere hat rakhay ga baba
yad bohat ayega ap ka chehra baba
●Ma agar na ho to wo surat e ma hota hai
baap beti kay liye sara jahan hota hai
aj lagta hai mere lut gaye dunya baba
●Samnay bethi hun ek bar to ankhein kholo
kyun ho khamosh fakhat itna bata do mujh ko
na saha jayega zainab say yeh sadma baba
●Mere ronay ke sada sun kay taraptay hein sab he
kaise kufay kay yatemo ko samhalay ga koi
hogaye aj to zainab bhe yatema baba
●Hayee yeh dekh kay dil ghum say phata jata hai
kyun amamay ke jaga sir pay kafan bandha hai
tum ko is hal main pehlay to na dekha baba
●Kitna manoos haai wo tum say tumhein sab hai khabar
mere abbas ko senay say laga lo uth kar
dur betha hai tarapta hai akela baba
●Shan e chumay to bataya kay bandhay ge rassi
yeh bhe batlaya kay chadar bhe chenay ge mere
kitna chalna hai mujhe yeh na bataya baba
●Jab bhe yaad ayegay yeh zakham bohat roungi
apnay maa baap ke ghurbat na kabhe bholungi
sir yahan shak hai wahan pehlo shikasta baba
●Kardia band kafan bhai hasan nay rukh say
bhaiya shabir churatay hein janazay say mujhe
kitna muskill hai mera tumsay bicharna baba
