Bay Kafan Bhai Nazar Na Aye Ab Hamsheer Ko

Nahar Pe Abbas Ko Jab Ja Ke Fizza Ne Kaha
Kar Rahay Pamaal Lashaa Haen Wo Taeray Bhai Ka
Do Katay Bazu Lagay Thay Dhondnay Shamsheer Ko

Jab Khabar Aye Ke Ghazi Run Main Hain Maray Gaye
Baal Khollay Sayeda Ne Or Zameen Par Baith Ke
Choom Kar Hasrat Say Daikha Chadar-e-Tatheer Ko

Aik Bachi Phool See Ko Neend Thee Aye Hoi
Sonay Ko Baba Ke Seenay Par Jaga Koi Naa Thi
Nanhay Hathon Say Lagi Woh Khaenchnay Har Teer Ko

Asmaan Ko Daikh Kar Shah Ro Ke Ye Kahtay Rahay
Maar Kar Akbar Ko Barchi Seenay Ke Tukray Kye
Mara Ummat Nay Hay Nana Kyon Tairi Tasveer Ko

Waqt-e-Rukhsat Shah Bahan Ko Daikh Kar Kahnay Lagay
Lo Sambhalo Ab Qayadat Haen Safar Ab Sham Ke
Tha Yahi Manzoor Bahna Katab-e-Taqdeer Ko

Meelon Main Phaela Tha Maqtal Or Akaelay Thay Hussain
Haye Mazlooma Ke Gonjay Us Ghari Khaemon Main Waeeen
Dafan Jab Saqlain Kar Ke Shaah Uthay Bay Sheer Ko