Kaisi Yeh Shaam Ayee Aulaade Sayyada Par

Sajjad Ro Rahe Hain, Zainab Se Moon Chupa Kar

Ek Samt Be Kafan Hai Bhai Ka Uske Laasha
Abbas Ki Behen Ka Baaqi Raha Na Parda
Ab Sochti Hai Zainab Mange Kafan Ya Chadar

Baazu Kahan Parey Hain Laasha Kahan Para Hai
Zainab Ki Bebasi Par Ghazi Tarap Raha Hai
Roti Hai Bekasi Bhi Farsh-E-Aza Bicha Kar

Jo Ghar Mein Do Qadam Bhi Paidal Nahi Chali Hai
Ek Din Mein Wo Hi Zainab Abbas Ban Gayi Hai
Pehre Pe Aagayi Hai Tanha Alam Utha Kar

Sajjad Se Lipat Kar Kehti Rahi Sakina
Ehsaas Ho Raha Hai Me Hogai Yateema
Zalim Dara Raha Hai Naiza Dikha Dikha Kar

Laashon Ke Darmiyan Wo Baba Ko Dhondhti Hai
Moon Apna Peet Kar Ye Faryad Kar Rahi Hai
Qadmon Mein Hi Sula Do Baba Mujhe Bulakar

Jab Agaye Najaf Se Bati Ko Milne Baba
Zaano Pay Rakh Kay Sar Ye Kehne Lagi Wo Dukhiya
Zainab Ujar Gai Hai Karbobala Basa Kar

Khaimon Ke Saath Jhula Bistar Bhi Jal Gaya Hai
Namoos-E-Mustafa Ko Baghi Kaha Gaya Hai
Le Jayenge Subha Ko Qaidi Hume Bana Kar

Guzregi Kaisi Yawar Maqtal Se Shahzaadi
Abid Ne Raat Momin Ye Soch Kar Guzari
Zainab Ka Naam Lega Zalim To Muskurakar