Islam Ko Hayaat Mili, Zahra Ke Dar Se, Aye Kalmago Suno

Quran Sar Buland Hua, Bach Gayi Namaaz
Ik Sani e Batool Ke, Khutbon Ke Asar Se..Aye Kalmago Suno

1)Ik Sajda e Shabeer Se Islam Bach Gaya
Khoon e Hussain Deen Ki Rag Rag Mai Rajh Gaya
Quran Ke Hafizon Ne Jalaaya Nabi Ka Ghar
Looti Rida Batool Ki, Hy Beti Ke Sar Se..Aye Kalmago Suno

2)Ye Aj Subho Shaam Jo Sunta Hai Tu Azaan
Takmeel Isko De Gaya Akbar Sa No Jawaan
Islam Ki Baqa Ke Liye Karbobala Mai
Khenchi Sina Hussain Ne, Bete Ke Jiggar Se..Aye Kalmago Suno

3)Zahra Ki Paak Chaderain Tattheer Ke Talay
Islam Aur Husain Hain Ek Saath Hi Palay
Dete Na Jo Hussain Agar Deen Ko Panaah
Islam Ne Marjana Tha Pehle Hi Asar Se…Aye Kalmago Suno

4)Asghar Masoom Pyaas Ki Sheedat Se Mar Gaya
Aur Apni Maa Ki Godh Ko Veeraan Kar Gaya
Jiske Galay Pe Maar Diya Hurmala Ne Teer
Paani Toh Iske Waaz Ke Maanga Tha Shimar Se…Aye Kalmago Suno

5)Girtay Hain Phir Sambhaltay Hain Rahon Mai Abideen
Sar Pe Ghamon Ki Dhoop Hai Saaya Kahin Nahi
Barsaat Sung O Khisht Ki Akhar Hai Chaar Su
Aal e Nabi Ka Kafila Hy Guzra Jidhar Se…Aye Kalmago Suno

6)Bazar e Shaam Abid e Magmoom Aagya
Jo Saath Le Ke Zainab o Kulsoom Aagya
Maula Ali Ki Beti Yahan Haathon Mai Hai Rasan
Sehmi Khari Hain Bibiyaan Hy Shimr Ke Dar Se…Aye Kalmago Suno