Bahan ke samne kaata gaya Hussain ka sar
Utha ke roti rahin Fatima Hussain ka sar

Zameen pe aise giri phir nahi uthi Zainab
Jab uske samne kat kar gira Hussain ka sar

Kabhi gala kabhi gardan pe maan ne haath rakha
Badan se hogaya phir bhi juda Hussain ka sar

Unhein sanwara hai Zahra ne apne haathon se
Ae Shimr baalon se yun na uthaa Hussain ka sar

Jahan pe rakha tha sandook mein sar-e-Akbar
Situmgaron ko waheen se mila Hussain ka sar

Khushi manata tha Khuli, Batool roti theen
Jab ek tanoor mein rakha gaya Hussain ka sar

Situmgaron ne kate sar ki bhi ragen kaateen
Safar mein aur bhi zakhmi hua Hussain ka sar

Pakad ke baal Sakeena ko Shimr ne maara
Jab uske samne la kar rakha Hussain ka sar

Lipat ke sogayi Zeeshan baap se beti
Andheri qaid mein jis dam mila Hussain ka sar

Shared via Nohay Writeups for iOS