Hayraan Hay Chand Muharram Ka Shabeer Say Kyoun Sharmata Hai

Zahra Kay Chand Ko Dekhta Hai Phir Baadal Main Chup Jata Hai

Ghar Zahra Ka Lutnay Ki Khabar
Karbal May Tunay Sunai Hay
Haye Dekh Kay Tujh Ko Muharram May
Ab Tak Bhi Rooti Khudai Hay
Teri Chandani May Bhi Andhera Hai (x2)
Jo Akhon May Chaa Jaata Hay

Beemar Hay Din Bhar Rooti Hay
Na Wada Akbar Poora Kia
Is Chand Ko Dekh Kay Sughra Nay
Phir Chand Ko Dekhna Chor Diya
Har Saal Muharram Aata Hay (x2)
Sughara Ko Bohot Tarpata Hay

Is Chaand Nay Shaam-e-Ghareeban Main
Jaltay Howa Khaimon Ko Dekha
Mumtaz Hay Shabbar Roya Tha
Zahra Ka Ureyan Sir Dekha
Is Wastay Raat Nikalta Hai (x2)
Din Bhar Kay Liye Chup Jaata Hay