din dhala to rulaane ko shaam aagayi
zulm zainab pe dhaane ko shaam aagayi
sab ko bichde huwe yaad aane lagay
phir dukhe dil dukhane ko shaam aagayi
din dhala to rulaane…
sooni godh ujhdi maang aur at-ash ki sada
sab ka sabr aazmane ko shaam aagyi
din dhala to rulaane…
kaun rokay na akbar na abbas hai
sheh ke qaimay jalane ko shaam aagayi
din dhala to rulaane…
aa rahe hai sakina ki jaanib adoo
kya tamache lagane ko shaam aagayi
din dhala to rulaane…
koi aaya na laashon pe ronay ko jab
khud hi aansoo bahane ko shaam aagayi
din dhala to rulaane…
saamne hai nazeer ek jalta makaan
kya bataun zamane ko shaam aagayi
din dhala to rulaane…
1,527 Views
