Haye Qayamat Ka Hai Samaa Chanay Lagi Sham-e-Ghareeban

Haye Qayamat Ka Hai Samaa Chanay Lagi Sham-e-Ghareeban

Khemaa-e-Sadaat Se Utha Dhua

Dhal Gaya Din Khatm Larayi Hoyi
Maut Ki Khamoshi Hai Chahi Hoyi
Chaak Girebaan Khudae Hoyi
Khaak Basar Fatima Jayi Hoyi
Larzi Zameen Kaanp Utha Aasmaa

Noor-e-Nazar Raj Dulare Gaye
Zainab-e-Dilgeer Kay Pyare Gaye
Shah Kay Ansaar Bhi Mare Gaye
Aas Thi Jin Par Wo Sahare Gaye
Loot Liya Maut Ne Yeh Karwaan

Khoon-e-Haider Sher-e-Jari Ka Alam
Ho Gaya Shabbir Ka Sar Bhi Qalam
Khushian Manane Lagi Fauj-e-Sitam
Ghum Se Tabah Haal Hai Ahl-e-Haram
Lut Gayi Konain Ki Shahazadian

Aun-o-Mohammed Nahi Akbar Nahi
Qasim-o-Abbas Dilawar Nahi
Haye Koi Moonis-o-Yawar Nahi
Khaima Nahi Makna-o-Chadar Nahi
Dasht Main Hai Aal-e-Nabi Be Amaa

Madar-e-Akbar Ka Ajab Haal Hai
Deta Hai Jab Koi Tassali Usse
Kehti Hai Dil Thaam Kay Rootay Howe
Kho Gaye Is Ban Main Sahare Mere
Mar Gaya Haye Mera Karyal Jawaa

Haye Yeh Bechargi Yeh Bekasi
Deta Nahi Us Ko Dilaasa Koi
Darmiyan Laashon Kay Akeli Khari
Kehti Hai Bachi Koi Sehmi Hoyi
Dhoondnay Jaaon Tumhay Baba Kahan

Maa Hoon Har Ek Ranj Uthaoon Gi Main
Rotay Huwe Khud Chali Jaaoon Gi Main
Dhond Ke Baysheer Ko Laaoon Gi Main
Us Ke Bina Jee Nahi Paoon Gi Main
Reh Gaya Haye Mera Bacha Kahaan

Hai Ye Gohar Azmat-e-Bint-e-Ali
Sabko Sambhala Bhi Hifazat Bhi Ki
Gham Main Shah-e-Deen Kay Bhi Roti Rahi
Mamta Pay Aanch Bhi Aanay Na Di
Maa To Hay Bas Aun-o-Muhammad Ki Maa

3,359 Views
Haye Qayamat Ka Hai Samaa Chanay Lagi Sham-e-Ghareeban

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot