Haq kar gai madar kay ada, saray kay saray
Mamoo pay fida hogaye, Zainab kay dularay

1. Samjhati thi bachon ko baray, piyar say Zainab
Bholay say na jana kahin, dariya kay kinaray

2. Piyasi hai Sakina rahay her, Aan yehi dhiyaan
Pani ka tasavur na ho, zehno main tumharay

3. Ghoron say giro bhi tou sada, run say na daina
Deekho main khafa hoon gi jo, Mamu ko pukare

4.  Paala tha jinhe godh may wo, jaa basay bun may
ab kaun hai Zainab ko jo, Maa kehke pukaare

5. wada jo kiya maa se wafa, kar gaye dono
pyase hi laray pyase hi dunya se sidhaare

6. sad Haye tu hay dashte bala, teri zameen ne
sab cheen liye Zainabe, muztar ke sahare