Sohye Howay Gairat Ummat Ki Khutbon Say Jaganay Aayi Hay.

Allah Ka Ghar Shabbir Ka Ghar Ya Deen-e-Khuda Ya Apni Rida
Kuch Hay Jo Bachanay Aaye Hay Kuch Hay Jo Lutanay Aayi Hay.

Shabbir Nay Jaltay Sehra Main Shah Rag Kay Kahoo Say Jo Likhi
Us Soorah-e-kausar Ki Zainab Tafseer Batanay Aayi Hay.

Paband-e-rasan Saar Bay Chadar Ya Fateh Khaiber Ki Dukhtar
Lagta Hay Kay Kasar-e-Ummaya Ki Bunyad Hilanay Aayi Hay.

Allah Say Razi Banday Nay Jo Taigh Talay Saar Rakh Kay Kiya
Us Sajda-e-akhir Ki Zainab Touqeer Barhanay Aayi Hay.

Akbar Ko Chupa Kar Pala Tha Jis Tarhay Abba Kay Daman Main
Darbar Main Youn Apnay Pechay Beemar Chupanay Aayi Hay.

Har Rastay Main Har Manzil Par Balon Say Liya Parda Abid
Wo Alay Nabi Ki Hurmat Ka Ehsas Dilanay Aayi Hay.