ek nanhi si lehad ran may banate hai hussain
khaak may doosre mohsin ko chupate hai hussain
daalte jaaate hai asghar ke badan par mitti
aur qaimo ki taraf dekhte jaaate hai hussain
ek nanhi si lehad…
marte dam nanhe se haathon ne jise thaama tha
ab wo daaman ali asghar se churaate hai hussain
ek nanhi si lehad…
laashe hurr ne kaha rumaal ye dedo jaa kar
zakhm baysheer ka haathon se chupate hai hussain
ek nanhi si lehad…
dhoondne aayenge is laash ko naiza bardaar
chup ke bano se ye zainab ko batate hai hussain
ek nanhi si lehad…
kaha sughra ne ke mar kar to miloongi sheh se
mujhko maloom hai har qabr may aate hai hussain
ek nanhi si lehad…
laashe abbas pa kehti thi ye zehra roke
utho abbas tumhe kabse bullate hai hussain
ek nanhi si lehad…
koi zainab ko bula laye takallum jaa kar
barchi akbar ke kaleje se churate hai hussain
ek nanhi si lehad…
