Zahra K Pak Gharany Ko, Maqtal Me Jinho Ne Mar Diya, 
Tum Un K Hi Kuch Lagty Ho, Such Bat Ko Yad Karaty Ho.

Zainab Ne Bary Dukh Jhely Hen Darbaron Me Bazaron Me, 
Sang Barsaty Thy Sub Shami In Be Chadar Mastooron Pe, 
Mola K Julooson Me Phir Tum Ye Rasem Wohi Dohraty Ho

Jo Log Ali K Dushman Thy, Diya Hassan Ko Sum Un Logon Ny,
Shabir Pe Khanjar Chala Kr Phir, Olad E Ali Ko Qaid Kiya,
Tum Pairokar Unhi K Ho, Khud Apna Roop Dikhaty Ho

Abbas Chaly Jab Pani Ko, Zainab Sar Peet K Rony Lagi,
Mere Sar Pe Jo Maa Ki Chadar He, Jb Shaami Aakr Looten Gy,
Hum Zinda Rahen K Mar Jayen, Hume Tum Jo Chor K Jaty Ho 

Abbas Ko Pahly Qatl Kiya,phir Aag Lagai Khaimo Ko,
Ghazi K Alam Jala Kr Tum Ye Sabit Krna Chahty Ho, 
Maqtal Me Sitam Jo Reh Gye Thy Wo Ab Tum Aakr Dhaaty Ho

Zindan Me Sakina Aur Zainab Ye Dekh K Phir Roti Hoti Hongi,
Shabbir K Matamdaron Pe Andhery Zulm Kamany Lagy,
Abi Nasal Yazeed Ki Baqi He, Tum Khud Hi Ye Batlaty Ho

Akhtar Har Matmi Ko Janat Mahshar Me Dilayengi Zahra,
Shabir K Dard Me Gum Ho Kr Jo Seena Kobi Karty Ho,
Wallah Tum Apny Hathon Se Firdos Me Ghar Banwaty Ho