Do Baar Namaz Shaheed Huwi Ik Masjid Mein

Do Baar Namaz Shaheed Huwi Ik Masjid Mein Ik Maqtal Mein

Do Baar Baha Hai Khoon-e-Ali Ik Masjid Mein Ik Maqtal Mein

Ik Pyaasa Tha Ik Rozey Se Ik Shohar Tha Ik Beta Tha
Zahra Peh Qayamat Toot Gayi Ik Masjid Mein Ik Maqtal Mein

Ik Bint-e-Ali Ka Baabaa Tha Ik Baap Ke Jaisa Bhaayi Tha
Do Baar Yateem Huwi Bibi Ik Masjid Mein Ik Maqtal Mein

Ik Baar Ali Ko Churvaane Ik Baar Husain Ke Sarhaane
Roti Huwi Aayi Bint-e-Nabi Ik Masjid Mein Ik Maqtal Mein

Ik Baap Ko Ghar Mein Laate Huwey Ik Zeen Se Zameen Per Aatey Huwe
Sarwar Ne Sada Abbas Ko Di Ik Masjid Mein Ik Maqtal Mein

Ik Baar Ali Ki Mayyat Par Ik Shimr-e-Laeen Ki Zarbat Per
Ghash Kha Ke Girey Do Baar Nabi Ik Masjid Mein Ik Maqtal Mein

Ik Masjid-e-Umvi Ke Andar Ik Baar Hussain Ke Laashey Par
Be Parda Gai Hai Bint-e-ali Ik Masjid Mein Ik Maqtal Mein

460 Views
Do Baar Namaz Shaheed Huwi Ik Masjid Mein

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot