Bad-e-Hussain Kisnay Kaha Main Yateem Houn

Maqtal Say Arahi Hay Sada Main Yateem Houn

Baba Kay Saat Ghoomnay Phirnay Ki Umr Thi (x2)
Toota Har Ek Khwab Mera Main Yateem Houn

Ro Kar Kaha Sakina Nay Laash-e-hussain Par (x2)
Ab Jakay Ye Yakeen Hua Main Yateem Houn

Jo Hay Wo Zulm Karta Hay Majboor Jan Kar (x2)
Shayad Yahi Hai Meri Khata Main Yateem Houn

Boli Sakina Shimr Say Kanon Pay Rakh Kay Haat (x2)
Gohar Na Cheen Behray Khuda Main Yateem Houn

Hasna Tho Door Ronay Bhi Dayta Nahi Kohi (x2)
Kuch Iqtiyar Hi Na Raha Main Yateem Houn

Main Apnay Asou’on Say Bujha Loungi Apni Pyaas (x2)
Dariya Say Laut Aao Chacha Main Yateem Houn

Sar Rakh Diya Sakina Nay Zainab Ki Gaud Main (x2)
Rakhna Phupi Khayaal Mera Main Yateem Houn

Maqtal Say Su-e-shaam Yeh Kehti Hui Chali (x2)
Baba Mera Shaheed Hua Main Yateem Houn