Ay Musalmaa Kaash Socha Hota Ke Muhammad Ka Nawaasa Hai Ye

Haalat e Sajda Mai Hai Bekaso Mazloom Bhi Hai, Aur Kayi Roz Ka Pyasa Hai Ye

1)Akl Hairaan Ke Issay Banda Ke Rehmaan Kahein

Nok e Nezaan Pe Issay Bolta Quraan Kahein

Ya Toh Rab Hai Jo Ke Banday Sa Nazar Aata Hai

Gar Hai Insaan Toh Khuda Sah Hai Ye

2)Boli Zainab Zulm Shabeer Pe Dhaaney Waalon

Patharon Ke Talay Mayyat Ko Chupaaney Waalon

Hy Kaandhay Pe Uthaatey Thay Jissay Khatm e Rasul

Mere Os Bhai Ka Laasha Hai Ye

3)Jiska Ghazi Na Raha Aur Ali Akbar Na Bacha

Bhai Ki Laash Pe Khul Kar Jissay Ronay Na Diya

Aaj Matam Sar e Bazaar Jo Hum Karte Hain

Issi Zainab Ka Dilhaasa Hai Ye

4)Syedon Ka Bhara Gharbar Jalaya Kyun Hai

Bibiyon Ko Sar e Bazaar Phiraaya Kyun Hai

Tunay Toh Ye Bhi Na Socha Ke Jo Qaidi Hain Banay

Paak Zahra Ka Asaasa Hai Ye