Ay Mere Baba
ay mere baba aap gharibul watan mai bhi gharibul watan
aap ka maidaan may teeron pe lasha raha
mere gohar chin gaye aag se daman jala
ay mere baba aap rahe bekafan mai bhi rahi bekafan
aap ke halqoom par shimr ka qanjar chala
mujhko tamache lage sar se chini hai rida
ay mere baba aap ka naize pe sar mere gale may rasan
ay mere baba….
aap ka roti rahi tashnalabi dasht may
daaghe yateemi mila mujhko isi dasht may
ay mere baba aap hai tashnadahan mai bhi hoon tashnadahan
ay mere baba….
dono ki mazlomiyat dekhi hai aflaak may
dono ki hurmat rakhi dasht ki is khaak may
ay mere baba khaak bani hai rida khaak bani hai kafan
ay mere baba….
waqt-e-musibat hui dono hi hum se juda
dono ki taqdeer may tha ghame furqat likha
ay mere baba ek behan aap ki ek hai meri behan
ay mere baba….
aap ne choda watan nowhakuna tha falak
karbobala se kiya mai ne safar shaam tak
ay mere baba aap aseere mehan mai hoo aseere rasan
ay mere baba….
aap ke hamraah to akbar-o-abbas hai
mujhpe ye tanhaiyan roti hai zindaan may
ay mere baba meri lehad qaid hai aap ka rouza wo band
ay mere baba….
qatl-e-alamdaar se ap ki tooti kamar
panjo pe chalte hue maine kiya hai safar
ay mere baba aap ko sadmon ki aur mujhko safar ki thakan
ay mere baba….
dono pe pardes may kaisi musibat padi
mujhse padar chin gaya aap se beti chini
ay mere baba aap gharibul watan mai bhi gharibul watan
ay mere baba….
aap hai faize rasa aap ko meri qasam
mazhar-o-irfaan par kijiye apna karam
ay mere baba ek safeere aza ek safeere sukhan
ay mere baba….
363 Views
Ay Mere Baba

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot