Asghar Haye Asghar
ay cheh mahine wale tujko mera salam

ay shahedeen ke dilbar ay roohe khalbe madar
ay tishnakaam muztar ay bezuban asghar
ay cheh mahine….
asghar haye….

tashnalabi pe teri girya hai ye khudaai
mazlumiat ne teri insaniyat jagayi
ay cheh mahine….
asghar haye….

sookhe labo pe tune jis dam zuban phirayi
sar ko jhuka ke roya dushman ka har sipahi
ay cheh mahine….
asghar haye….

kya manzilat hai teri shabbir-e-khastatan ne
dafna ke tera laasha farmaya purmehan ne
ay cheh mahine….
asghar haye….

shikwa na karna asghar pani nahi mayassar
aansu baha ke maine turbat ko kardiya tar
ay cheh mahine….
asghar haye….

yaade pisar jab aati jo kokh ujdi madar
raton ko uthkar aksar kehti thi dar pe aakar
ay cheh mahine….
asghar haye….

tareekhe karbala ko padkar anees dekho
qatil bhi sar jhukaye kehte milenge tumko
ay cheh mahine….
asghar haye….