Akber Tumhen Maloom Hai Kya Maang Rahe Ho

Akber tumhen maloom hai kya maang rahe ho x 4

Tum baap se marne ki riza maang rahey ho

 

Is aalamey ghurbat mein tumhen jaane doo kaise

Is dashte museebat mein tumhen jaane doo kaise

Is waqte qayamat mein tumhen jaane doo kaise

Aye laal jo tum izn-e-wighan maang rahey ho

 

Tum baap se marne ki riza maang rahey ho (Start Matam)

Akber tumhen maloom hai kya maang rahe ho

Tum baap se

 

Kya guzregi is baap ke dil per nahi socha

Tumne ye meri jaa ali akber  nahi socha

Mer jaaunga mai tujh se bicharh ker nahi socha

Tum mujh se zaeefi ka asa maang rahe ho

Tum baap se marne ki riza maang rahey ho

Akber tumhen maloom hai kya maang rahe ho x 2

Tum baap se

 

Dil rota hai nazron se ager door ho beta

Kis tarha judaee teri manzoor ho beta

Tumhi meri aankhe ho mera noor ho beta

Mujh se meri aankho ki ziya maang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

 

Duniya se gaya jis gharhi mehboob khuda ka

Nana ki ziyarat ko tarhapta tha nawasa

Aye laal tujhe is liye khaliq se tha maanga

Maqbool hue meri dua maang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

 

Islam pe khud apna lahoo run mein bahao

Seeney pe sina shaan se maidan mein khao

Tasweer payamber ki tahe khaak milao

Kya is liye merne ki riza mang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

 

Ek roz tujhe aan ke maanga tha phupi ne

Athara baras naazon se paala tha phupi ne

Beton se bhi zyada tumhen chaha tha phupi ne

Ehsaan jo zainab ne kiya maang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

 

Rakhte nahi tum iski khaber aye mere pyare

Is derja mohabbat hai teri dil mein hamare

Nana ki mere  shakl hai packer me tumhare

Tum soorate mehboob-e-khuda maang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

 

Ser tera bhi jis waqt charhega sarey neza

Hoga sarey maidan juda ser bhi tumhara

Ham shakl-e-payamber ka gala katenge aada

Goya mere nana ka gala maang rahe ho

 

Tum baap se marne ki riza maang rahey ho

Akber tumhen maloom hai kya maang rahe ho

Tum baap se marne ki riza maang rahey ho

JAWAB

Baba mujhe maaloom hai kya maang raha hoon

Ek baap se marne ki riza maang rahey ho

 

Baaba mujhe amma ne bhi kuch ders diya hai

Adaab-e-wafa se mujhe aagah kiya hai

Pahle mai maroo aap se wada ye liya hai

Bas is liye marne ki riza maang raha hoo

 

Ek baap se marne ki riza maang rahey ho

Baba mujhe maaloom hai kya maang raha hoon

Ek baap se marne ki riza maang rahey ho

 

Hain aap to baaba dile khatoon-e-qayamat

Aur maan hai meri  adna si ek packer-e-ismat

Kya seene mein uske nahi kuch  jazbay-e-ismat

Mai madar-e-muzter ka kaha maan raha hoon

 

Ek baap se marne ki riza maang rahey ho

Baba mujhe maaloom hai kya maang raha hoon

Ek baap se marne ki riza maang rahey ho

 

Baab mujhe ahwal-e-dile-zaar pata hai

Hai sakht bahut manzil-e-dushwaar pata hai

Aur deen ka mushkil mein hai sardar pata hai

Yoon aap se marne ki riza maang raha hoon

 

Ek baap se marne ki riza maang rahey ho

Baba mujhe maaloom hai kya maang raha hoon

Ek baap se marne ki riza maang rahey ho

 

Mai shayre hassas jigger soz hoon khursheed

Mahwe gham-e-shabbeer shab-o-roz hoon khurshhed

Aalam-o-masayed se zami doz hoon khursheed

Kashkol mein kuch ashk-e-aza maang raha hoon

 

Ek baap se marne ki riza maang rahey ho

Baba mujhe maaloom hai kya maang raha hoon

Ek baap se marne ki riza maang rahey ho

11,952 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot