Akbar Teri Laash Uthaye Kaisay Hussain A.S

Akbar Teri Laash

Akbar teri laash uthaye kaisay Husain x4

Dil thame hue aur kham hai kamar

Beenai nahin aur zakhmi jigar

Akbar…x 2

Aey beta zaeefi hai aisi, rasha hai badan mein baba ke

Abbas nahi qasim bhi nahi, imdaad ki khatir kaun aaey

Liye bojh isi gham ka dil per

Akbar…x 2

Sadmon ki thakan ne maar diya, din bhar to uthaye hain laashey

Sab zabt ke bundhun toot gayey, beenai gayee tere gham se

Tanha hai sarey maqtal yeh pader

Akbar…x2

Aye laal teri soorat ki qasam, ab taab nahin hai is dil ko

Mai boorha padar aur tum ho jawan, kya waqt parha itna socho

Mai bekaso tanha aur muztar

Akbar…x2

Khaime mein tujhey rothi hai phupi aur zebey musalla hai madder

Atharah baras pala hai tujhey tu khud hi bata ai mere pisar

Kya beet rahi hogi dil per

Akbar…x2

Perdes mein mere noorey nazar jeete ji mujhey tu maar gaya

Nezey ki tarha yeh gham akber ham sab ke dilon se paar gaya

Roti hai teri maan yeh keh ker

Akbar…x2

Karta hoon duaen khaliq se qismat na kisi ko de yeh ghamHo samne betey ka laasha aur baap kare uska matam

Sun Le yeh dua rabbey akber

Akbar…x2

Taqdeer Kisi mader ko bhi, yeh gham na dobara dikhlaye

Beta ho shabeehey paighamber maan jeeti rahe woh mur jaaey

Mar jaegi ro ro ker mader

Akbar….x2

Jo tere kaleje mein thi sina hai zakhmi usi se dil mera

Kis tarha sina woh khainchi thi mai tujhko nahin batla sakta

Dil tukrhey huwey jata hai pisar

Akbar…x2

Jo bain kiyey sheh ne ban mein mazhar woh bayan ker sakta nahin

Seene pe pisar ke ser rakh ker yeh kehte rahe bas shahe deen

Ab zinda rahoon mai bhi kyoon ker

Akbar teri laash uthaye kaise Husain X 4

251 Views
Akbar Teri Laash Uthaye Kaisay Hussain A.S

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot