Ajao Chand Mere Teri Pyaas Main Bujhaoon Asghar Main Teri Maa Hoon

Mere Ladlay Kahan Ho X2
Seenay Tumhay Lagaoon

Tere Jhoolay Ko Sakina, Ro Ro Kay Choomti Hai
Tujhay Run Main Dhoondti Hay
Teri Maut Ki Khabar Main, Kaisay Usay Sunaoon
Asghar Main Teri Maa Hoon

Beta Tumhara Qatil, Mere Saamnay Khara Hay
Janay Kyun Hans Raha Hay
Chadar Bhi Lut Gayi Hay, Mou Kis Tarha Chupaoon
Asghar Main Teri Maa Hoon

Lagta Hay Maa Say Asghar, Naraz Ho Gaya Hai
Maqtal Main So Gaya Hai
Dhoondo Kahan May Usko, Aur Kis Tarha Jagaoon
Asghar Main Teri Maa Hoon

Maidan May Ja Kay Jurrat, Bhi Aisi Tum Dikhana
Ghazi Hi Nazar Aana
Tu Pyaas May Hay Par May, Pani Kidhar Se Laoon
Asghar Main Teri Maa Hoon