Aajao Chaand Mere Teri Pyaas Mein Bhujaoon Asghar Mein Teri Maa Hoon

Mere Laadle Kahan Ho, Seeney Tumhe Lagaoon Asghar Mein Teri Maa Hoon

Tere Jhule Ko Sakina Ro Ro Ke Choomti Hai
Tujhe Ran Mein Dhoondhti Hai

Teri Mauth Ki Khabar Mein Kaise Usse Sunaoon Asghar Mein Teri Maa Hoon

Beta Tumhara Qaatil Mere Saamne Kharha Hai
Jaane Kyun Hass Raha Hai
Chaader Bhi Lut Gayi Hai Moun Kis Tarha Chupaoon Asghar Mein Teri Maa Hoon

Lagta Hai Maa Se Asghar Naraz Hogaya Hai
Maqtal Mein Sogaya Hai
Dhoondoon Kahan Mein Usko Aur Kis Tarhan Jagaoon Asghar Mein Teri Maa Hoon

Maidan Mein Jaa Ke Jurrat Bhi Aisi Tum Dikhaana
Ghazi Hi Nazar Aana
Tu Pyaas Mein Hai Par Mein Paani Kidhar Se Laoon Asghar Mein Teri Maa Hoon

Meri Jaan Jaa Rahi Hai Yeh Soch Soch Asghar
Iss Phool Se Galey Par
Yeh Teer Kaise Jhela Behno Ko Kya Batao Asghar Mein Teri Maa Hoon

Akhtar Sagheer Pal Mein Khamosh Hogaya Hai
Pyaasa Hi Sogaya Hai
Tujhe Chorh Ke Akela Mein Kaise Shaam Jaoon Asghar Mein Teri Maa Hoon