Aati Hai Sakina Ki Sada Karbobala Se

Ammu Ho Kahan Aao Ke Hum Hai Abhi Pyase

Paththa Hai Jigar Pyas Ye Lelegi Meri Jaan
Bach Bhi Gayi Gar Shimr Ke Durro Ki Saza Se

Baysheer Kay Honton Pe Nahi Pyas Ka Shikwa
Tar Kardiya Aada Ne Gala Teer-e-Jafa Se

Jo Ran Ko Gaya Ran Se Kahan Aaya Palat Kar
Deti Hai Phuphi Jaan Mujhe Yuhin Dilaase

Sunti Hoo Yateemo Ki Dua Radh Nahi Hoti
Ya Rab Mujhe Milwaade Phir Ek Baar Chacha Se

Maa Behn Khule Sar Hai Lahoo Roti Hai Aankhein
Uth Tha Nahi Bhai Ka Meray Sar Hai Haya Se