Aashur Ka Suraj Hai Qayamat Ki Ghadi Hai

Bhai Ka Gala Kat Ta Bahan Dekh Rahi Hai

Maqtal Mein Kisi Maa Ki Sada Gunj Rahi Hai

Aa Ai Merey Hussain, Meri Goudh Mein Aaja

Aaja Merey Bachey Meri Agosh Mein Aaja X3

Merey Liye Ai Lal Tu Asghar Ki Tarah Hai

Goudi Meri Gehwara Hai Bistar Ki Tarah Hai

Is Dhup Mein Daman Mera Chadar Ki Tarah Hai

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Main Maa Hoon Mera Dil Nahi Siney Mein Sambhalta

Nazuk Yeah Badan Tera Yeah Jalta Howa Sehra

Aur Us Pay Sitam Yeah Kay Tu Reh Gaya Piyasa

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Mai Goud Mein Leloon Tujhey Siney Say Laga Loon

Siney Pay Sakina Ki Tarah Tujh Ko Sulaloon

Siney Kay Terey Teer Main Palkoon Say Nikaloon

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Aa Kar Merey Zanoo Pay Jo So Jatey Thay Beta

Chakki Ki Mashakkat Pay Bhi Pehlu Nahi Badla

Ab Kaisey Tujey Choor Doon Maqtal Mein Akela

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Teri Bhi To Aulad Hai Tu Bhi To Padar Hai

Aulad Ka Gham Kiya Hai Yeah Tujko Bhi Khabar Hai

Gham Bachey Ka Seh Jaye Yeah Kis Maan Ka Jigar Hai

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Kiyoon Late Gaya Thak Kay Tu Iss Jalti Zamin Par

Yeah Kiska Lahoo Tuney Mala Rooh-e-Haseen Par

Maat Khaq Pay So Lal Teri Maa Hai Yahin Par

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Jo Dil Pay Terey Guzri Mai Sab Dekh Rahi Thee

Har Lash Uthaney Main Terey Sath Gaie Thee

Ab Bath Wo Kehti Hoon Jo Bachpan Mein Kahi Thi

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3

Nauhey Mein Bayan Kaisey Karey Sarwar-o-Raihan

Phar Sakta Nahi Koi Bhi Yeah Dard Ka Quran

Maan Kehti Thi Reh Jaye Na Dil Mein Merey Arman

Aa Ai Merey Hussain Meri Goudh Mein Aaja

Aaja Merey Bachey Meri Agosh Mein Aaja X3