Maa kehti thi uth jaag meri jaan Sakina
Uth ghar ko chalein khul gaya zindaan Sakina
Bunday jo tere shimr ne cheenay wo dila dun
Ek nanhi si chadar main tere sar pe orhaa dun
Ghar janay kab ab ho gaya saman Sakina
Ek baar meray seenay se lag jaa zara uth kar
Kehti thi ye maa qabar-e-Sakina se lipat kar
Kuch dair ke hain hum tere mehman Sakina
Masoom se gaalon pe tamachay bhi hai khaye
Ro ro ke kaha karti thi Baba nahi aye
Rota hai tere haal pe zindaan Sakina
Uthti hi nahi laakh uthaya hai kayi baar
Lo mar hi gayi aaj wo baba ki azadaar
Lab khol zara maa hai pareshan Sakina
Waris na raha mera raha na mera Asghar
Jaati hun Sakina tumhe zindaan mein kho kar
Ujra hai mera kaisa gulistan Sakina
Bin tere Sakina bhala main kaise jiyoon gi
Bethun gi sada dhoop mein pani na piyun gi
Jaye gi tere gham mein meri jaan Sakina
Maiyat pe Sakina ki haram noha kuna thay
Chehre pe Sakina ke tamachon ke nishaan thay
Lo marr hi gayi shaam ki mehmaan Sakina
Ronay ki sadaa aati hai zindaan se aksar
Mar ke bhi rehayi na mili hai jisay Akhtar
Sunsaan sa hai aaj kyun zindaan Sakina
ماں کہتی تھی اٹھ جاگ مری جان ،سکینہ
اٹھ گھر کو چلیں کھل گیا زندان ، سکینہ
بُندےجو ترے شمر نے چھینے وہ دلا دوں
اک ننھی سی چادر مَیں ترے سر پہ اڑھا دوں
گھر جانے کا اب ہو گیا سامان ، سکینہ
اک بار مرے سینے سے لگ جا ذرا اٹھ کر
کہتی تھی یہ ماں قبرِسکینہ سے لپٹ کر
کچھ دیر کے ہیں ہم ترے مہمان ، سکینہ
معصوم سے گالوں پہ طمانچے بھی ہیں کھائے
رو رو کہ کہا کرتی تھی بابا نہیں آئے
روتا ہے ترے حال پہ زندان ، سکینہ
اٹھتی ہی نہیں لاکھ اٹھایا ہے کئی بار
لو مر ہی گئی آج وہ بابا کی عزادار
لب کھول ذرا ماں ہے پریشان ،سکینہ
وارث نہ رہا مرا ، رہا نہ مرا اصغر
جاتی ہوں سکینہ تمہیں زندان میں کھو کر
اجڑا ہے مرا کیسا گلستان ، سکینہ
بن تیرے سکینہ بھلا ، میں کیسے جیوں گی
بیٹھوں گی سدا دھوپ میں پانی نہ پیؤں گی
جائے گی ترے غم میں مری جان ، سکینہ
میت پہ سکینہ کی حرم نوحہ کناں تھے
چہرے پہ سکینہ کے طمانچوں کے نشاں تھے
لو مر ہی گئی شام کی مہمان ، سکینہ
رونے کی صدا آتی ہے زندان سے اکثر
مر کے بھی رہائی نہ ملی ہے جسے اختر
سنسان سا ہے آج کیوں زندان ، سکینہ
