asghare baysheer ke saath hogayi khatm jafa
khud sitam roya hai mil mil ke galay teer ke saath
hogayi khatm jafa….

daudte jaate hai sheh akbare dilgeer ke saath
zor chalta nahi tadbeer ka taqdeer ke saath
hogayi khatm jafa….

nange pa legaye bemaar ko ta shaam layeen
bediya royi lahoo paon ki zanjeer ke saath
hogayi khatm jafa….

kis may dum tha jo rida leta sare zainab se
haaye abbas-e-dilawar na thay hamsheer ke saath
hogayi khatm jafa….

saath chora nahi zainab ne kabhi bhai ka
sar barehna phiri dar dar sare shabbir ke saath
hogayi khatm jafa….