علی اکبرؑ علی اکبرؑ
صغراؑ نے خط میں لکھا دل مضطرب یے میرا
رہ رہ کے چھا رہا ہے آنکھوں تلے اندھیرا
آنکھیں ترس گیئں ہیں اکبرؑکے دیکھنے کو
علی اکبرؑ علی اکبرؑ، علی اکبرؑ علی اکبرؑ

لیلیٰ کے لب پہ ہردم، رہتا تھا ایک نالہ
ہوتا تو اس کے دم سے، گھر میں تھا ایک اُجالہ
آنکھیں ترس گیئں ہیں اکبرؑکے دیکھنے کو

اٹ جائیں گے وہ گیسو،سب خاک میں لہو میں
یہ دن بھی دیکھنا تھے سہرے کی آرزومیں
آنکھیں ترس گیئں ہیں اکبرؑکے دیکھنے کو

زینبؑ سے ہو کے رخصت، جب رن کو وہ چلا تھا
ہر کوئی بڑھ کے اس کے، ماتھے کو چومتا تھا
آنکھیں ترس گیئں ہیں اکبرؑکے دیکھنے کو

سنتے ہیں اس کا چہرا، سب خوں میں بھرگیا تھا
کہتے ہیں اس کے سر میں، نیزہ اتر گیا تھا
آنکھیں ترس گیئں ہیں اکبرؑکے دیکھنے کو

پھر عید آئی سب نے، پہنے نئے لبادے
آئے نہیں پلٹ کے، امت کے شاہزادے
آنکھیں ترس گیئں ہیں اکبرؑکے دیکھنے کو