Dhoondthi Phirthi Hai Mader Hai Mera Asghar Kahan

Tera Jhoola Jal Gaya Aey Mere Tishna Dahaan
Dhoondthi Phirthi Hai Mader Hai Mera Asghar Kahan

Khoon Bhara Kurta Tera Haey Vo Bhi Chin Gaya
Ub Jioun Kis Kay Saharay Paas Mere Kya Raha
Zindagi Hai Raaeygaan Umr Bhar Hoon Noha Khawan
Dhoondthi Phirthi Hai Mader Hai Mera Asghar Kahan

Haaey Vo Nazuk Gala Theen Din Say Khushq Tha
Bhar Kay Mojay Theer Nay Vo Is Qadar Zakhmi Kiya
Thar Houee Khoon Say Zabaan Ley Sakay Na Hichkiyan
Dhoondthi Phirthi Hai Mader Hai Mera Asghar Kahan

Khaali Jhoola Daikh Ker Aey Mere Noor-e-Nazar
Aankh Bhar Aati Hai Meri Ore Rota Hai Jigar
Sogaey Ho Tum Kahan Chayn Paaey Kaisay Maan
Dhoondthi Phirthi Hai Mader Hai Mera Asghar Kahan

Jaam Ashkon Kay Peeyo Aaj Ki Shab So Raho
Umr Lag Jaey Humari Tum Ko Tum Jeetay Raho
Tum Pay Qurban Meri Jaan Aey Qaraar-e-Bay Kasaan
Dhoondthi Phirthi Hai Mader Hai Mera Asghar Kahan

Mei Musafir Shaam Ki Khatm Hud Araam Ki
Qaid Ho Ker Jaa Rahi Hoon Gard Hai Alaam Ki
Bund Chuki Hai Reesman Hum Kahan Ore Tum Kahan
Dhoondthi Phirthi Hai Mader Hai Mera Asghar Kahan

Meer Kya Rehan Kya Jis Nay Ye Noha Sunna
Ashk Ankhon Say Baha Ker Us Nay Ro Ro Ker Kaha
Haaey Aey Asghar Ki Maa Uff Vo Thera Imthihaan
Dhoondthi Phirthi Hai Mader Hai Mera Asghar Kahan