Fard-e-Amaal Mein Bas Ashk Hamary Hongai
Fard-e-Amaal Mein Bas Ashk Hamaray Hongai

Hashr Ke Din Yahi Bakhshish Ke Saharay Hongai

Qabr Mein Chain Se Soaingay Azadar-e-Hussain
Aankh Kholein Gay To Kausar Ke Kanaray Hongai

Qafila Khuld Ki Janib Jo Barhay Ga Apna
Raah Bar Hazrat-e-Abbas Hamaray Hongai

Ahl-e-Matam Ko Bhala Rok Sakay Ga Koi
Baab-e-Jannat Pe Jo Zehra Ke Dularay Hongai

Kin Tamannaon Se Athara Baras Zainab Ne
Kitnay Sadqe Rukh-e-Akbar Ke Utaray Hongai

Iss Ko Ayk Maan Hee Samajh Sakti Hai Baad-e-Akbar
Keysai Din Zeest Ke Laila Ne Guzaray Hongai

Dil Ka Kya Haal Hoowa Hoga Ali Akbar Jab
Leykay Marnay Ki Raza Ran Ko Sidharay Hongai

Maan Ko Shadi Ke Thay Armaan Bohot Thi Na Khabar
Yeh Jawan Hongai To Allah Ko Pyaray Hongai

Rolo Aaj Hathon Se Sar Peet Ke Asghar Ko Rubab
Kal Ko Rassi Se Bandhay Haath Tumharay Hongai

Jaam Ashkon Ke Liyey Karbobala Tak Pohoncho
Dekhtay Raah Vahan Pyaas Ke Maray Hongai

2,056 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot